BUTUAN CITY – Walay angay ikabalaka sa seguridad sa mga Filipino sa Thailand human napalagpot sa pwesto si Paetongtarn Shinawatra sa partidong Pheu Thai.
Kini human nga napili na ang 58-anyos nga si Anutin Charnvirakil isip bag-ong lider sa partidong Bhumjaithai, ang ikaduhang pinakadako nga partido sa Thailand, ingon man isip bag-ong primero ministro sa maong nasud ilabina nga wala pay lihok ang ilang militar isip pagtahod sa demokrasya.
Sumala ni Bombo international correspondent in Thailand Bien Balasa, nahitabo ang pagbotar sa mga gobernador aron mupuli kang Shinawatra kansang pagkatangtang sa pwesto, suportado sa mga Thais.
Kini tungod kay pagtraydor matud ang gihimo niining pagtawag kang kanhi Cambodian leader Hun Sen kansa gitawag pa niining ‘uncle’ nga nagdala ug kagubot sa ilang politika, ug dakong kadaut sa ilang gamhanang political dynasty.
