BUTUAN CITY – Gihatagan og importansya sa Office of the Civil Defense ang ka-andam sa mga ahensya sa gobyerno ug sa publiko alang sa posibleng pag-igo sa “The Big One”.
Sumala ni Office of the Civil Defence Administrator ug Undersecretary Ariel Nepomuceno, duna matud pay tulo ka level sa pagpangandam nga kinahanglang iimplementar.
Una ang Engineering Solution, diin kinahanglan nga ang tanang imprastraktura, kayang malabangan ang 8.5 magnitude nga linog. Sumala ni Nepomuceno, kinahanglang mahimong istrikto ilabina sa itukoray pa lamang nga mga balay ug dakbalay, rason nga nanawagan ang OCD sa Department of Interior and Local Government nga mag-request sa mga Local Government Units nga pahugtan ang mga requirements sa pagpatukod og mga balay o paghimo og mga inspeksyon ngadto sa mga daan nang natukod.
Dugang sa opisyal, angayan usab nga pahugtan ang pagpangandam sa publiko pinaagi sa pagbansay sa “Duck, Cover, and Hold” isip preparasyon kung unsa ang himoon kung duna’y kusog nga linog.
Ikatulo sa level sa pagpangandam ang reaksyon sa panggamhanan sa The Big One kondiin kinahanglang andam na ang kagamitang kinahanglanpn sa Search and Rescue operation.
Subay niini, target sa maong ahensya ang whole of the nation approach nga pagpangandam alang sa maong trahedya.
Ang pamahayag ni Office of the Civil Defence Administrator ug Under Secretary Ariel Nepomuceno.
