BUTUAN CITY – Gusto sa Thailand nga makabaton og mas lapad nga relasyon sa turismo ka-uban ang Pilipinas sa ingon mas mapakusog ang sektor sa turismo ug panarbaho sa duha na nasud.
Gusto sa mga Thai officials nga mulapad pa ang partnership sa duha ka nasud sa nagkada-iyang natad ilabina sa commercial flights sa ingon mas dali na ang access padulong sa mga tourist destinations sa duha ka nasud sama sa Phuket, Chiang Mai, ug Samui sa Thailand.
Apil sa mga lugar sa Pilipinas nga gikonsiderang duna’y flight expansion gikan sa Bangkok ang Cebu City ug ang Palawan.
Madumdumang pipila ka mga opisyal sa Thai Ministry of Tourism and Sports ang mibisita sa Pilipinas atol sa UN Tourism Gastronomy Forum meeting sa hinapos sa Hulyo.
Nasabutan nila Department of Tourism Secretary Christina Garcia-Frasco ug sa mga tourism officials sa Thailand ang pagbaton og sister city tie-up tali sa Pilipinas ug Thailand.
