BUTAN CITY – Natala na sa nasod nga Thailand ang pinaka unang pagkamatya tungod sa sakit nga anthrax, kini subay na usab sa kumpermasyon sa mga opisyal sa nasangpit nga nasod, diin sumala pa nga duna usay gatusan ka mga posibleng na-expose sa bacteria.
Sigon sa mga opisyal, anaa sa 638 ka mga tawo ang posibleng na-expose, diin kadaghanan sa mga niini ang nangaon og hilaw o kaha mga kulang pa sa luto nga karneng baka. Sulod sa maong ihap, 36 ang nitabang sa pag-ihaw sa karneng ilahang gikaon.
Sa kasamtangan, nahatagan na usab og antibiotics ang mga niini arun sa containment sa maong mga kaso.
Gideklara na usab sa Department of Livestock ang 5-kilometer quarantine zone sa mga lugar ug planong bakunahan ang anaa sa 1,222 ka mga baka, kini taliwala pa man nga wala pa sa nasangpit nga mga hayop ang nagpakita og sintomas sa maong sakit.
Sayrang usa ka seryosong bacterial dicease ang anthrax nga kasagarang makuha sa pagkaon og mga kontaminadong karne.
Kahinumdumang katapusang dunay kaso sa anthrax sa Thailand niadtu pang 2017, apan walay namatay sa nasnagpit nga mga kaso.
