BUTUAN CITY- Gi-atake ang usa ka cargo ship nga nakarehistro sa Thailand samtang gilawig ang Strait of Hormuz, kung asa tulo ka tripolante pa ang padayon nga gipangita hangtud sa kasamtangan.
Gikumpirma sa Royal Thai Navy nga gitarget ang barkong Mayuree Naree human kining mingbiya sa Khalifa port sa United Arab Emirates padulong India.
Base sa mga gipagaws nga hulagway sa militar, makita ang kabaga sa itom nga aso gikan sa barko ug mga naglutaw sa life rafts sa kadagatan. Sumala sa opisyal nga pamahayag sa hukbong pandagat nga ang barko gi-atake samtang ming-agi sa Strait of Hormuz.
Naluwas na sa Omani navy ang 20 ka marine, samtang nagpadayon ang rescue operations alang sa tulo nga namissing nga crew members.
Nahitabo ang insidente taliwala sa minggrabe nga tensyon sa rehiyon kung asa minghimo og mga pag-atake ang Iran batok sa mga silingang nasud nga nag-e-export og lana.
