BUTUAN CITY – Gisuspende sa Constitutional Court sa Thailand si Prime Minister Paetongtarn Shinawatra human nag-leak ang iyang tawag sa telepono nga maoy hinungdan sa kasuko sa mga tawo.
Sa maong tawag, nakig-istorya siya kang kanhi Cambodian leader Hun Sen nga gitawag niyang “uncle” dayong saway sa usa ka Thai military officer.
Misangpot kini sa petisyon nga nag-demand sa pagtangtang kaniya sa katungdanan ug gi-review na karon sa korte ang posibilidad sa pagtangtang kaniya apan gihatagan pa siya og 15 ka adlaw aronm depensahan ang iyang kaugalingon.
Tungod niini, si Deputy Prime Minister Suriya Jungrungruangkit maoy magsilbing lider sa nasangpit nga nasud.
Higayong matangtang sa katungdanan, si Paetongtarn na unya ang ikatulong membro sa gamhanang mailya Shinawat nga sayong natagntang sa katungdanan samtang ang iya usab nga coalition government, nabutang karon sa risgo human nga mibiya na ang usa ka major ally.
Ang 38-anyos nga si Paetongtarn, nahimong premiro ministro ning mi-aging tuig human gitangtang si Srettha Thavisin tungod sa iyang pagtudlo og usa ka kontrobersyal nga cabinet member.
