BUTUAN CITY – Dili entitled sa Enhanced Comprehensive Local Integration Program kon ECLIP ang walo ka mga nadakpang miyembro sa New People’s Army kon NPA, kansa na-aresto sa checkpoint sa Barangay Bunawan Brook, lungsod sa Bunawan, Agusan del Sur.
Sumala ni Major Ruben Gadut, ang tigpamaba ug Chief sa Public Affair Office sa 10th Infantry “Agila” Division, Philippine Army, dili hatagan og katungod ang maong mga dinakpan nga maka-ambit sa nahisgutang programa tungod kay dili man sila surenderees.
Aminado ang opisyal nga bisan og na-dismantle na ang mga formations sa NPA, duna gihapo’y dyutay nga nabilin kanila, kondiin ang walo, mga remnants lang kon salin sa Southern Mindanao Regional Community nga napuhag na niadtong Oktubre 2023 pa lamang.
Dugang sa opisyal, dili makonsiderang pag-surrender ang gibuhat sa nasangpit nga mga dinakpan, bisan kon mutug-an sila nga padulong na silang mo surrender tungod kay apprehension man ang nahitabo kanila.
Ang pamahayag ni Major Ruben Gadut sa pakighinabi ning sibyahan.
Subay niini, himoon usab sa Armadong Kusog sa Pilipinas ang integrated territorial defense system, kansa nagpasabot nga lakip sa ilang pakusgon sa operasyon, ang physical ug psychological barriers sa mga vulnerable areas diin gitu-uhang daghang mga rebelde ang nagtago.
