BUTUAN CITY- Gikakurat ni Pangulong Ferdinand Marcos Jr. ang nasayran niining gitangtang sa nakalabayng administrasyon ang standard procedure kansa mao matud pa’y pangsagang batuk sa kahiwian sa mga proyektong pang-imprastruktura sa kagamhanan.
Sa podcast interview, gibutyag sa presidente nga nahunong pagsunod sa mga lagda sa pagpatuman og mga nasodnong proyekto sa pangamhanan ang gobyerno ning nakalabay’ng mga dekada.
Saysay sa presidente, niadtong siya pa ang gobernador sa Ilocos Norte, importante ang papel mga lokal na opisyal sa pagsusi sa kalidad sa mga proyektong gipatuman sa nasudnong kagamhanan, kondiin dili bayaran ang kontratista kon dili pirmahan sa lokal nga panggamhanan ang dokumento. Tungod niini, mapugos ang kontratista nga ayuhon ang mga depekto ug humanon og tarong ang proyekto.
Gi-angkon usab sa Pangulo nga posible nga makatabang ang mga modernong teknolohiya sa pagpalig-on sa transparency sa datos sa nasyonal nga budget ug mga proyekto sa gobyerno.
Kahinumdumang gi-asdang sa Senado ang Philippine National Budget Blockchain Act, nga gisugyot ni Senador Bam Aquino aron gamiton ang blockchain technology sa pagdumala sa nasodnong budget. Tumong niini ang pagpalig-on sa transparency, accountability, ug public participation sa paggasto sa kuwarta sa gobyerno.
