BUTUAN CITY – Naglaum ang usa ka contractor ning dakbayan sa Butuan nga si Engr Serge Pascual nga muosangput sa pag-usab sa procurement law ang gihimong Senate Hearing mahitungod sa mga ghost ug anumalusong flood control projects.
Sumala ni Pascual, tungod sa loophole as procurement law nagsugod ang tanang anumalusong proyekto sa Department of Public Works and Highways kon DPWH.
Nagtoo usab kini nga ang mga politiko maoy problema sa nasangpit nga kurapsyon tungod kay aduna matud pay higayon nga dagko ang pangayoon sa mga politiko ngadto sa mga kontratista, ug tungod niini, sila na ang magboot sa mga implementing agencies kung si kinsa ang ilang padag-on sa bidding.
Adiser matud pa mahatagan og proyekto ang usa ka kontratista, kihanaglan una kining makadaug sa mga bidding sa gobyerno apan tungod kay nabayran naman niini ang mga politiko nga maoy magboot kung padag-on ba sila o dili, mahimo nga pormalidad na lang matud pa ang mahitabong bidding.
Kini usab matud pa ang rason nganongkawatan sa mga kontratista ang mga materyales sa proyekto, aron mabawi ang dakong gihatag ngadto sa mga politiko.
Subay niini, gihagit ni Pascual si Butuan City Mayor Law Fortun nga sundugon si Pasig City Mayor Vico Sottto, diin dako ang na-save sa ilang syudad human niini gipapasar ang mga ordinansang magdili sa mga kickback apil na ang patas ug transparent nga procurement.
Kinahanglang usab matud pang panaminan ni Mayor Law Fortun si Baguio City Mayor Benjamin Magalong, kansa usa usab sa mga nagkrusada sa good governance.
Ang pamahayag sa kontratistang si Engr. Serge Pascual.
