-- ADVERTISEMENT --

BUTUAN CITY – Gikumperma ni Atty. Ferdinand Topacio, abogado ni kanhi Negros Oriental Rep. Arnolfo ‘Arnie’ Teves Jr.,nga mamahimo nang makagawas ang kliyente niini sa balay-tambalanan.

Sumala sa abogado nga cleared na ang si Teves ug mamahimo na kining makagawas sa Philippine General Hospital karong adlawa, Hulyo 1, sa dili pa ang udto.

Taliwala pa man niini, gikumperma usab ni Topacio nga nag sakit pa gihapon ang tiyan ni Teves human agi sabag-o lang niini nahuman nga operasyon.

Gawas niini, gi-ila gihapon sa kampo sa kanhi Kongresista nga kinahanglan niining mobalik sa prisohan, partikular na sa Annex 2 sa Bureau of Jail Management and Penology kon BJMP sa Bicutan, Taguig City.

Subay niini, gipasalamatan usab sa abogado ang mga doktor nga maoy nitabang kang Teves sa gihambin niining balatian.

-- ADVERTISEMENT --

Kahinumduman nga nabati matud pa ni Teves ang severe abdominal pain niadtung Hunyo 17, samtang anaa kini sa Camp Bagong Diwa. Gidala kini sa pampublikong hospital niadtung Hunyo 18, apan gibalhin sa Philippine General Hospital (PGH) sa samang adlaw.

Gihimo gilayon kaniya ang emergency appendectomy kon operasyon s apagtanggal sa appendix, human kini nadiagnosed og acute appendicitis.

Kasamtangang nag-atubang si Teves og mga kasong may kalambigitan sa pagpatay sa kang kanhi Negros Oriental Governor Roel Degamo, lakip sa maong mga kaso ang 11 counts of murder, 13 counts of frustrated murder, 4 counts of attempted murder, Illegal possession of firearms and explosives, ingon man Terrorism financing.