Text blasts gihimo sa OCD-Caraga sa pagpahikling sa mga anaa sa baybay aron makalikay sa tsunami

BUTUAN CITY – Ka-abag sa Office of the Civil Defense kon OCD-Caraga ang Philippine Information Agency kon PIA-Caraga sa information dissemination pinaagi sa text blast human nagpagawas og tsunami advisory ang Philippine Institute of Volcanology and Seismology kon PhiVolcs kagahapon.

Kini human gitay-og sa magnitude 8.8 nga linog ang Kamchatka Peninsula sa Russia hinungdan sa ubay-ubay nga tsunami warnings nga gi-isyu sa mga nasud nga nag-atubang sa Pacific Ocean, Arctic ug Atlantic Ocean.

Gibutyag ni Diana Lim, Disaster Risk Reduction and Management Head sa Operations Section sa maong buhatan, paspas ang ilang gihimong information dissemination rason nga daling napahikling sa higher grounds ang mga tawong anaa daplin sa kabaybayunan.