BUTUAN CITY – Anaa na sa mga kamot sa mga immigration officials sa Timor Leste human nadakpan pasado alas-otso kagabii oras sa maong nasud partikular sa capital Dili, si kanhi Negros Oriental Congressman Arnulfo ‘Arnie’ Teves Jr.
Wala gilimod sa anak sa kanhi kongresista nga si Axl Teves nga ang iyang amahan ang gi-akusahan sa pipila ka mga kremin nga nahitabo sa ilang lalawigan ilabina ang pagpatay kang late Governor Roel Degamo uban sa lain pang walo niadtong Marso tuig 2023.
Ang iyang pagsibat sa maong mga akusasyon maoy rason nga gitangtang siya sa House of Representatives sa buwan sa Agusto sa susamang tuig hangtud nga gideklarang terorista sa Anti-Terrorism Council.
Tungod sa pagkasikop sa iyang amahan, nagpatabang na si Axl sa mga human rights bodies ilabina sa United Nations tungod sa pugsanon matud pang pagkuha sa iyang amahan gikan sa ilang pinuy-anan tungod sa kawala’y legal nga mga dokumento rason nga makonsidera matud pa kining kidnapping.
