BUTUAN CITY – Gikalipay sa mga kapulisan ingon man sa mga membro sa Kingdom of Jesus Christ ang gipagawas sa korte sa Davao City nga mando ngadto sa Philippine National Police pagtangtang sa ilang mga barriers palibot sa Kingdom of Jesus Christ compound ingon man sa Temporary Protection Order.
Sumala sa usa ka membro sa simbahan nga si Joel Vigelia, nabalik gilayon ang ilahang relasyon sa mga kapulisan alayon na sa pagpagawas sa nasangpit nga kamanduan. Hangyo niini sa mga katawhan ingon man sa ilahang mga kaigsoonan nga dili lang untana husgahan ang mga kapulisan sanglit gihimo ramanniini ang ilahang trabaho nga gimando ngadto kanila.
Dugang niini nga bisan kon magpabilin man o mugwas na ang nasangpit nga han-ay sa ilahang compound, gipasalamatan gihapon nila sa Ginoo ang gipkanaog nga desisyon sa korte.
Ang temporary protection order nga gi-isyu sa Regional Trial Court Branch 15 nagmando usab sa PNP pag-cease and desist sa labing daling panahon gikan sa bisan unsa mang akto o kaha omission nga naghulga sa kinabuhi, kagawasan o kaha siguridad sa tanang mga propiedad sa mga petitioners.
Dugang ni Joel nga siento porsyento gilayong nagmalinawon ang tensyon sa ilahang compound atul sa paggawas sa maong order.
