BUTUAN CITY – Anaa sa ika-upat nga puwesto ang Team Pilipinas sa medal standings sa nagpadayong 31st Southeast Asiakon SEA Games nga gipahigayon sa Hanoi, Vietnam.
Nanguna pa gihapon sa medal tally ang host country nga dunay 10 ka gold medals. Ang pinaka-unang gold medal sa Pilipinas nagsumikad kang Francine Padios gikan sa dulang Pencak Silat Women’s Seni (Artistic) Tunggal Single event.
Samtang ang silver medal usab sa Pilipinas nadag-an sa mag-tandem nga rowers nga sila Cris Nievarez ug CJ Jasmin sa Rowing Lightweight Men’s Double Sculls.
Ang usa pa ka silver medal nasakmit nila Helen Aclopen Talongen sa Kurash Women’s 48kg. Si Charmea Quelino mitampo usab og silver medal sa Kurash Women’s 52kg category.
Nakakuha usab og bronze medal ang Pilipinas sa Pencak Silat Men’s Seni Regu category pinaagi nila Jefferson Loon, James Mayagma ug Rick Ortega. Ang Women’s Rowing Team nila Joanie Delgaco, Amelyn Pagulayan, Josephine Qua ug Kristine Paraon naghatag usab og bronze medal sa Women’s Quadruple Sculls event.
Apil sila George Baclagan sa Kurash Men’s 90-kg. event og si Renzo Miguel Cazeñas sa Kurash Men’s 81kg category.
