-- ADVERTISEMENT --
BUTUAN CITY – Ningsaka na sa duha ka medalya ang nasakmit sa Caraga Region kon Team CaraGold sa nagpadayong Palarong Pambansa 2024 sa Cebu City human nasakmit ni Airelle Ashley Lape ang gold medal alang sa Arnis – Individual Espada Y Daga nga dula sa Elementary Division.
Nasayrang taga-Ampayon Central Elementary School ang maong atleta, diin kauban niini ang iyang coach nga si Erwin Hora.
Oras lamang usab ang ninglabay human nakuha ni Lape ang gikahinamang bulawan, nakuha usab ni Crisbirth Crabajales sa Madrid National High School sa Madrid, Surigao del Sur ang lain na usab nga bulawang medalya alang sa Discuss Throw nga dula para sa High School Boys Division.
