BUTUAN CITY – Gisugdan na karung adlawa, Disyembre 8, 2024 ang Thailand Tropical Downhill Race 2024 nga himoon sa Nakuha Phrae, Thailand diin gikan sa rehiyon sa Caraga ang nag-representar niini pinaagi nila Earl Maquirato gikan sa lungsod sa Nasipit, Agusan del Norte, ug Rydelle Abarico gikan sa Alegria, Surigao del Norte.
Salmotan sa mga niini ang pro category sa maong dula. Gisugdan na kagahapon, Disyembre 7, 2024, ang time trial alang sa Thailand Tropical Downhill Race sa Nakuha Phrae, Thailand.
Kini nga kompetisyon magtipon sa 81 ka mga atleta gikan sa nagkalain-laing nasud nga magtigi alang sa titulo sa Pro Category.
Grabe ang suporta nga gihatag ni Mayor Roscoe Plaza alang kang Earl Maquirato Dasig Nasipit ug ni Mayor Rene Esma alang kang Rydelle Abarico Lungsod sa Alegria, aron masiguro nga ang mga atleta andam ug kompleto sa ilang mga kinahanglanon alang sa maong kompetisyon.
Usa ka dakong garbo nga gikan gayud sa Caraga ang nagrepresentar sa Team Philippines.
