BUTUAN CITY – Milagrong naluwas ang usa ka batan-ong lalaki human kini natidlom sa tubig-baha dihang nakabuhi sa gigunitang puthaw human nanguha og mga anod nga kahoy kaganina samtang dako ang tubig sa suba sa Brgy Los Angeles ning siyudad sa Butuan.
Sigon sa nakasaksi sa maong hitabo nga si Boy Adino, residente sa Purok 15, Sitio Minalum, bisan sa kakusog sa sulog sa tubig-baha, wala magpanuko pagpanguha og mga anod nga kahoy ang biktimang si alyas Victor.
Samtang kamulo og tigom sa mga nakuhang kahoy, kalit nga nakabuhi sa iyang gigunitang puthaw ang biktima rason nga natidlom kini ilawom sa tubig-baha.
Dali nila kining gilantaw sa pikas tampi sa Agay Bridge kondiin ila kining nakita sa unahan na nga bahin ug nakalangoy pa, padulong sa daplin sa suba ug karon anaa na sa luwas nga kahimtang.
