BUTUAN CITY – Ningdangop ning sibyahan ang purok leader sa P-4 Brgy. Holy Redeemer ning syudad sa Butuan uban sa pamasin nga mapansin sa lokal nga panggamhanan ang ilang problema kabahin sa nangalisbo nang kanal nga dili matud pa nila malimpyuhan tungod kay nanginahanglan kini og mga dinagkong kagamitan nga bugtong ang syudad lamang ang makahatag.
Sumala ni Kenny Tangeli, ang purok presidente sa nasangpit nga lugar, dili matud pa ang kanal mismo ang ilahang problema, kundili ang taklob sa culvert nga pirte ka dako.
Gani, duna na’y mga nanggi-motor nga nilabay sa maong dapit nga natumba tungod sa kabaho.
Saysay pa sa purok president, nangreklamo na ang mga tindahan sa ilang lugar tungod niini.
Panawagan sa opisyal nga unta, ma-aksyunan kini sa syudad ilabina nga hapit na ang tingklase ug siguradong daghan na matud pang mga bata ang ma-apektuhan niini.
Ang pamahayag ni P-4 Brgy. Holy Redeemer President Kenny Tangeli.
