BUTUAN CITY – Mas mikusog pa ang bagyong Emong ug karon mi-abot na sa Typhoon category ug padayong naglihok padulong sa amihanang bahin sa Luzon, diin gilauman ang ikaduhang pag-landfall niini sa Ilocos Sur o La Union karong buntag.
Gila-umang mutabok kini sa kabukiran sa Northern Luzon ug mugawas sa Babuyan Channel adiser karong udto padulong sa amihanang sidlakang direksyon hangtud sa Babuyan Islands karong udto o hapon.
Gilauman usab nga mudool kini sa Batanes karong hapon o gabii.
Tungod sa kakusog ug kalapad niini, gi-isa na ang Tropical Cyclone Wind Signal No. 4 sa Southwestern portion sa Ilocos Sur; Northern ug central portions sa La Union kansa delikado sa mga istraktura tungod sa kusog nga hangin.
Signal No. 3 usab ang gi-isa karon sa Southern portion sa Ilocos Norte; nahibilin nga parte sa Ilocos Sur; La Union; western portion sa Apayao; Abra; western portion sa Kalinga, Mountain Province ug Benguet apil na ang northern portion sa Pangasinan.
Samtang apil apil sa mga lugar nga anaa sa signal No. 2 ug 1 ang nahabiling parte sa Ilocos Norte; Pangasinan; northern portion sa Zambales; Apayao; Kalinga; Mountain Province; Benguet; Ifugao; Batanes; Cagayan lakip na ang Babuyan Islands, northern ug western portions sa Isabela; western ug central portions sa Nueva Vizcaya; northwestern portion sa Nueva Ecija; northern portion sa Tarlac, Quirino; Aurora (northern ug central parts); Pampanga (western ug central parts) ug nahabiling bahin sa Zambale ug northern portion sa Bataan
Samtang molabang ang bagyo sa kabukiran sa Northern Luzon, gilauman nga mohuyang kini ug posibleng mugawas sa Philippine Area of Responsibility (PAR) sa Sabado o Domingo.
Padayon usab nga makaapekto ang habagat (southwest monsoon) sa nasud ug magdala kini og kusog nga mga pag-ulan.
Gibantayan sab karon ang usa pa ka bagyo sa gawas sa PAR nga anaa sa 2,220 km silangan sa Central Luzon, samtang gawas na sa PAR ang bagyong Dante.
