EBUTUAN CITY – Kung tan-awon ang mga daw ginansilyong patch tattoos ni Eduardo “Duda” Lozano, lisod tu-uhan nga tulo ka buwan lang niya kining gi-pioneer.
Ang mga hulagway sa bag-ong istilo sa iyang makakugang nga mga tattoo, nag-viral na online sukad siya gi-imbitar ngadto sa tattoo conventions sa tibuok kalibutan.
Ang maong artist nga nakabase sa Sao Paolo, niadto pang tuig 2002 nga manatu-ay apan bag-uhay pa lang –siya naka-ideya alang sa daw ginansilyong istilo sa tattoo, isip throwback sa mga adlaw dihang nagtrabaho pa siya isip usa ka logo designer alang sa mga kaso og embroidered shirts.
Una niyang gihimo ang Garfield patch tattoo nga iyang gidesenyo isip experiment, kansa iyang gipalambo pinaagi bag-ong style niya sa tattoo ni Courage – ang character sa TV show nga usa ka talawang iro.
Dihang iya kining gipang-post sa iyang Instagram account og nakadawat og mga positibong komento gikan sa iyang mga fans og ubang mga tattoo artists, nahuna-hunaan ni Lozano nga tutukan ang paghimo og daw gansilyong tan-awon nga mga tattoo kondiin na-ila siya isip pioneer niini.
Karon sikat na ang iyang mga istilo sa tattoo didto sa France, Germany Spain, Italy, Colombia, Mexico, og uban pa.
