BUTUAN CITY – Gibalik na ngadto sa iyang natural habitat ang usa ka tarsier nga napalgan sa lungsod sa Carmen, Agusan del Norte, human gibuhian sa mga sakop sa Municipal Environment and Natural Resources Office o MENRO sa maong lungsod.
Kini human napalgan ni Melona Pastida human nasaag sa iyang basakan sa Sitio Baga, Barangay Manoligao na gigukod pa sa mga iro ug dihang naluwas na, gitugyan gilayon sa MENRO aron ma-atiman og maayo.
Human ang medical examination ug nasigurong anaa sa maayong panglawas ang tarsier adiser na kini gibuhian.
Sigon sa MENRO, dili kini ang unang higayon nga duna’y nakitang tarsier sa Carmen tungod kay niadtong June 2023, duna usa’y napalgang tarsier nga gibalik sa iyang natural habitat niadtong Enero ning tuiga.
