BUTUAN CITY – Malampusong napakgang ang tinguha untang pagpamomba sa lungsod sa Trento, Agusan Del Sur kaganina.
Kini human nga narekober ang 3 ka bomba nga gitanom diha sa tunga sa kalsada sa utlanan sa Sitio Igang og Sitio Quarry sa Barangay Basa.
Ang tulo ka improvised explosive devices kon IEDs, gisulod kini plastic containers.
Nasayran nga usa ka drayber sa Grader nga nag-ayo sa kalsada ang naka-diskubre sa bomba human nakita ang wires niini rasong gelayon nga gitaho sa kapulisan.
Ang team gikan sa Agusan del Sur Provincial Police Office Explosive and Ordnance Disposal unit maoy mikuha niini og luwas nga na-disposed ang mga IEDs.
Sa kasamtangan, padayon pa ang gihimong imbestigasyon aron matumbok ang grupo o indibidwal nga anaa luyo sa planong pagpamomba.
