BUTUAN CITY – Tungod sa nagpadayong El Niño phenomenon nga miresulta sa taud-taud nga huwaw ug naka-apekto na sa trekking ug camping sites palibot sa Mt. Apo Natural Park (MANP), gipatuman karon sa Department of Environment and Natural Resources kon DENR-Davao ang temporaryong pagsuspende sa tanang mga trekking activities sugod karong adlawa, Marso 20 hangtud 30.
Kini isip paghatag og prayuridad sa kaluwasan sa palibot ug sa mga bisita subay na sa MANP-Protected Area Management Board Executive Committee Resolution No. 1, series of 2024 nga gi-enact kagahapon, Marso 19, 2024
Mahinungdanon ang maong precautionary measure aron ma-mitigate ang risgo sa bushfires ug masiguro ang maayong diverse ecosystems sa maong parke.
Ang pagbalik matud pa sa mga kalihukan, makuting ikonsidera base sa assessments ug mga rekomendasyon sa MANP Protected Area Management Office sa Region XI ug Region XII.
Alang sa mga adventurers nga nagpa-reserve na sa maong mga apektadong petsa, gihangyo silang makig-alayon sa hingtungdang mga local organizers aron ma-arrange ang mga alternative schedules sa ilang excursions.
