BUTUAN CITY – Gimando na ni Surigao City Mayor Ernesto Matugas Jr. ang temporaryong pagsira sa tanang mga public ug private cemeteries sugod karong Oktubre 31 hangtud Nobyembre 2 atol sa kalag-kalag.
Kini samtang anaa pa sa estado sa public health emergency ang nasud.
Sa Executive Order No. 54 nga gipagawas sa buhatan sa mayor, nakalatid nga tungod sa local transmission sa COVID-19 sa Butuan City sa Agusan del Norte ug sa Bislig City sa Surigao del Sur, prayuridad karon sa Surigao City government ang kaluwasan sa ilang katawhan rason sa istriktong pagpatuman sa ilang COVID-19 Task Force sa mga preventive measures sama sa pag-obserba sa social distancing.
Alayon niini, nalantawan sa city government ang siguradong panagtapok sa mga tawo panahon sa kalag-kalag kansa tradisyon na sa mga Filipino aron mabisita sa minteryo ang lubong sa ilang mga patay nang mahal sa kinabuhi.
Kini ang rason sa pagpagawas ni Mayor Matugas sa iyang kamanduan hinungdan nga gitambagan ang ilang nga bisitahon ang lubong sa mitaliwan na nilang mga minahal adiser kaha human sa maong mga adlaw.
Alayon niini, gimanduan ang kapulisan sa maong siyudad apil na ang City General Services Office ug Civil Security Unit pagpatuman sa maong kamanduan.
Gimanduan usab ang tanan nilang mga barangay kapitan nga pangunahan ang ilang mga barangay tanods sa pagpatuman niini sa ilang hingtungdang barangay aron masigurong masunod kini sa ilang mga residente ilabina niadtong duna’y minteryo sa ilang barangay.
