BUTUAN CITY – Migawas sa usa ka pagtuon nga ang central obesity kon tambok sa tiyan konektado sa heart failure ug nakit-an usab nga ang inflammation o paghubag sa sulod sa lawas posibleng usa sa mga hinungdan nganong nagka-link ang duha.
Ang central obesity mao ang tambok nga matigom sa tiyan, labina ang naa sa sulod nga gitawag og visceral fat nga naglibot sa mga internal organs.
Base sa pagtuon, kung mas taas ang inflammation, mas taas ang risgo sa heart failure tungod kay ang tambok sa tiyan, usa ka tima-ilhan nga posible magka-heart failure.
Nasuta usab nga 25% sa epekto sa central obesity sa heart failure tungod sa inflammation ug nagpasabot kini nga importante kaayo nga bantayan ang tambok sa tiyan aron malikayan ang problema sa kasingkasing.
Ang tambok sa tiyan dili lang isyu sa gawas nga parte sa lawas tungod kay pwede kining maka-apekto sa kasingkasing, labina kung adunay inflammation sa lawas.
