BUTUAN CITY – Nadugangan pa ang mga medisina kansa tambal alang sa mga sakit sama sa cancer, diabetes, ingon man mental illness ang nalista sa value-added tax (VAT)-exempt drugs, kon kadtung mga tambal nga dili na patungan og buhis sumala sa Bureau of Internal Revenue (BIR).
Kini human gi-issue ni Internal Revenue Commissioner Romeo D. Lumagui Jr. ang Revenue Memorandum Circular 131-2024 kans a naglatid nga idugang sa mga VAT-exempt medicines ang laing walo pa ka mga tambal. Lakip sa mga wala nay buhis ang degarelix, kansa dunay dosage strength sa 80 milligrams (mg) ug 120 mg, ingon man ang treme-limu-mab, nga dunay dosage strength sa 25 mg kon 1.25 milliliter (ml) ug 300 mg kon 15ml, mga tambal sa diabetes sama sa film-coated tablets Sitagliptin, ug uban pa.
Gipagawas ang maong memorandum human gi endorso ni Food and Drug Administration (FDA) Director General Dr. Samuel A. Zacate ang VAT-Exempt products ilawom sa Create Act and RA 10963 or the Tax Reform for Acceleration and Inclusion (Train) Law.
