BUTUAN CITY – Unya nang alas 6:00 sa gabii ang Mutya Hong Libertad Talent Night kansa kabahin sa nagkadool nga kapistahan sa Barangay Libertad ning siyudad karung Domingo, Enero 19 sa Patron Sto. Niño.
Sa eksklusibong pakighinabi sa Bombo Radyo Butuan, gipadayag ni Barangay Kapitan Menchie Rosario nga napulo ka mga kandidata ang magtigi sa Mutya Hong Libertad diin ang coronation night karong Biernes Enero 17.
Ugmang adlawa Huwebes himuon ang motorkada kansa sundan sa variety show diin dunay live band nga himoon.
Sa Biernes ang Grand Procession og sa Enero 19 ang 33rd Grand Kahimunan Festival 2020 diin himuon ang street dancing competition and showdown sa City Sports Complex nga gi-apilan sa 9 ka mga contingents.
Alayon niini, gipaneguro ni kapitan Rosario nga plastado na ang tanan ilabina ang ipatumang seguridad og pagmaneho sa trapiko.
