BUTUAN CITY – Miabot sa 13 ka mga indibidwal nga anaa sa Taguibo Quarantine facility ning siyudad ang nagpositibo sa RT-PCR Test samtang 62 usab ang positibo sa Rapid testing.
Sigon ni Michiko De Jesus, tigpamaba sa Butuan City Government gihulat pa sa mga nagpositibo sa Rapid test ang resulta sa gihimong swab testing og kung kini magnegatibo, adiser pa sila pagawason.
Sumala ni De Jesus kini ang rason nga dunay mga indibidwal nga lapas na sa quarantine period ang pagpuyo sa maong pasilidad.
Subay niini gibutyag sa opisyal nga gi-atiman ang mga residente sa Taguibo Quarantine Facility diin sila gimonitor og gihatagan og pagkaon.
Sugyot nalang ni De Jesus sa mga na-kwarentina nga modool sa nagdumala sa pasilidad og mangutana sa ilang status aron usab ila kining masabtan kung nganung wala pa sila gibuhian.
