BUTUAN CITY – Gidasig karon ni Pangulong Rodrigo Duterte ang mga residente dinhi sa Agusan del Norte nga dili pasudlon ug pasagdang makaporma ang ISIS-Maute terror group dinhi sa lalawigan taliwa sa taho nga adunay mga teroristang nakagawas gikan sa Marawi City.
Gihimo ni Pangulong Duterte ang hangyo sa iyang pagtambong sa 50th founding anniversary celebration sa Agusan del Norte, kangsa maoy iyang pinakaunang public appearance gikan sa taas nga pagpahulay.
Gibutyag ni Pangulong Duterte, angayang mahimong alerto ang mga residente sa lalawigan ug dili tugutang makasulod ang mga teroristang wala’y laing ginahimo kungdili mao ang pagpatay.
Sigon sa Pangulong Duterte, mihangyo siya sa kaparehong Mindanaoans nga dili mutuo sa ideolohiya sa mga ISIS-Maute terrorists mahitungod sa pagpatay sa mga non-Muslims apan mubarog isip simbolo sa pagkahiusa ug kooperasyon sa rehiyon.
