BUTUAN CITY – Mi-abot sa 4,684 ka mga benepisyaryo sa gitunol nga financial assistance sa Butuan City Agriculture and Veterinary Department, ang nahatagan niini dinhi sa dakbayan sa Butuan nga gisugdan kagahapong adlawa ug nagpadayon karon hangtud ugma.
Sigon ni Engr. Peirre Anthony Joven, ang hepe sa City Agriculture and Veterinary Department ning siyudad sa Butuan, ang maong ayuda nga ilawom sa Presidential Assistance for Farmer’s Fisherfolks and Families, gigahinan og P46,000,000.00 pisos nga tseke ni Pangulong Ferdinand Marcos Jr.
Kini nga mga mag-uuma, mga mangingisda ug ilang pamilya, na-apektuhan sa El Niño phenomenon ning mi-aging mga buwan ingon man sa shearline sa hinapos sa tuig 2023 kansa naka-apekto og dako sa ilang panginabuhian.
Giklaro sa opisyal nga mu-agi pa sa verification station ang matag-benepisyaryo aron masiguro nga sila gayod ang makadawat sa financial assistance nga 10-mil pisos.
