BUTUAN CITY – Direktang gitawag ni Vice President Sara Duterte nga budol na usab sa administrasyon ang pagpamaligya na og sugod sa Department of Agriculture og tag-20 pisos kada-kilo nga bugas sa Visayas area.
Sigon sa besi-presidente, laing saad na usab kini sa gipasigarbong alyansa sa administrasyon aron mangdaug matud pa ang ilang mga kandidato pagka-senador ilabina nga duna na sa ilang mga kandidato ang namiya sa rasong wala’y klarong padulngan ang partido sa administrasyon.
Gikwestyon pa niini kung nganong sa Visayas area lang gipamaligya ang baratong bugas kung tinuod nga alang kini sa mga pobreng katawhan sa ingon malikayan ang kagutom.
Gipasabot pa ni VP Sara ang iyang panglantaw human nasuta nga gitagbo matud pa sa administrasyon ang tanang mga gobernador sa Visayas area ngadto mismo sa Cebu capitol.
