BUTUAN CITY – Gi-ulan og hinabang ang nagbangutang pamilya sa usa ka Butuanong OFW sa Riyad,Saudi Arabia nga si Jenerose Coscos Kipkipan human kini nakauli nga wala nay kinabuhi tungod sa pagmaltrato sa iyang amo.
Human nga unang nabalita sa Bombo Radyo Butuan ang nadangatan sa maong OFW, gilayon nagpaambit ang sibyahan og ginagmay nga tabang nga magamit sa pagtukaw sa haya nga gisundan usab sa 25 kilos nga bugas sa wala na nagpailang suking tigpaminaw nga direktang gihatag ngadto sa pamilya.
Duna pay 2-mil pesos nga cash og laing 500 pesos sa mga lungsoranon nga gipasalig ninii ning sibyahan. Nagpaabot na usab og hinabang nga cash ang Bombo Radyo ngadto sa pamilya labi na sa mga gikinahanglan sa haya sama sa dugang bangko, kape,tubig ug uban pa.
Sa pakighinabi sa Bombo Radyo Butuan sa bana ni Jenerose niini ang iyang dakong pasalamat sa mga mitabang kanila labi na ning sibyahan. Kamatuoran niini pulos pasalamat nalamang ang migawas sa iyang ba-ba sanglit wala-walang gayod sila labi na kay lisod ang kasamtangang panahon nga mugna sa COVID-19.
Dugang niini taliwa nga lisod dawaton alang kaniya uban sa lima ka mga batang anak niini ang nadagatan sa iyang asawa apan magpadayon usab gihapon sila sa pagpakabuhi ilalom sa landong niing kalibutana.
Gipadayag usab ni Taguibo barangay Captain Rogelio Dumadag nga wala nay angay huna-hunaon nga galastuhon ang pamilyang Kipkipan labi ang pagpahiluna sa patayang lawas ni Jenerose tungod wala na kini bayad diha sa Taguibo Cemetery .ug nagpaabot na usabsi kapitan og pasiunang hinabang.
Nasayrang nagpaabot na usab si Congresman Lawrence Fortun og 10,000 pesos nga cash ingon man pangkusomo sa nagbangutang pamilya.
Unya na usab gabie ang katapusang haya sa patayng lawas ni Jenerose ug nakatakdang kining ilubong ugmang adlawa sa may-ala una sa hapon.
