BUTUAN CITY – Gipasalig sa Overseas Workers Welfare Administration kon OWWA nga andam ang ilahang ahensya sa mga Pilipino nga manginahanglan og tabang ilabi na niadtung anaa sa mga nasod nga nahimutang sa sentro sa kagubot.
Sumala ni Rodel Deligero, officer Incharge sa OWWA Caraga nga adam ang ilahang ahensya nga mo hatag ngadto sa OFW og pagkaon, libreng transportasyon ingon man temporaryong pinuy-anan kung manguli ang mga niini gikan sa nasod kansa apektado sa kagubot.
Dugang sa opisyal nga sa kasamtangan, mohatag og libreng assistance ang gobyernio ngadto na sa mga bulontaryong manguli dinhi sa Pilipinas gikan sa Lebanon, kansa usa sa mga nasod nga dunay kagubot.
Gipaniguro usab sa maong opisyal nga dili lang ang ilahang ahensya naka pokus mismo sa mga OFW apan gihatagan usab nila og pagtagad ang mga nakadepende sa maong mga indibidwal sama sa gma pamilya niini nga nahibilin nganhi sa Pilipinas.
Alayon niini gikabutyag usab ni Deligero nga sa kasamtangan, giplastar na nila ang uban pang mga programa sa ahensya, lakip na niini ang scholarship sa mga kabatan-onan nga OFW ang mga ginikanan, kini isip usa sa pagpaningkamot sa ahensya nga pahatagan usab og pagtagad ang mga nabilin nga pamilya sa mga OFW dinhi sa Pilipinas.
Ang pamahayag ni Rodel Deligero, officer Incharge sa OWWA Caraga.
