BUTUAN CITY – Subli na usab nga nagbuga og taas nga level sa sulfur dioxide ang bulkang Taal.
Sigon sa Philippine Institute of Volcanology and Seismology kon PHIVOLCS, mi-abot sa 11,745 ka toneladang sulfur dioxide ang gibuga sa maong bulkan kansa mas daghan kung ikumpara sa 7,777 ka toneladang volcanic sulfur dioxide nga gibuga sa Taal karong tuiga.
Kini ang rason sa baga nga asong mi-ulbo sa gihabugong 2,400-metro sa Taal crater kon ba-ba sa maong bulkan.
![](https://img.bomboradyo.com/butuan/2024/07/Taal3.jpg)
Gipa-amping usab sa PhilVocs ang publiko tungod kay maka-apekto man sa panglawas ang taas nga konsentrasyon sa sulfur dioxide. Partikular nga maka-apekto kini sa mata, tutunlan ug sa respiratory tract sa usa ka tawo.
Gi-awhag usab ang mga residente sa lugar nga magpabilin lang sulod sa ilang balay ug magsuot og N95 facemask aron mapanalipdan ang panglawas.
Sa pagkakaron, gi-isa pa gihapon ang alert level 1 sa palibot sa bulkang Taal kondiin nagpabilin pa gihapon ang hulga niining mubuto.