BUTUAN CITY-Gipagawas na sa Inter Agency Task Force (IATF) ang guidelines ilalom sa Alert level 2 kondiin lakip ang Butuan City gikan Nobyembre 22 hangtod 30 ning tuiga.
Gitugotan na ang panagtapok sa mga indibidwal apan sa tagsa-tagsa ka mga pribadong lugar lamang.
Samtang anaa sa 50% nga indoor capacity sa mga karaoke, bars, clubs, concert halls, theatres, hair salon, barbershops , spas , gymns ug mga sinehan ang gitugotang maka-operate apan kadto lamang mga fully vaccinated indibidwal, samtang 70% alang sa mga outdoor capacity.
Gilimitahan usab ngadto sa 50 porsyento ang limited face to face classes sa mga tunghaan sa mga bakunadong magtutudlo ug magtutungha.
Pwede na usab ang pag-adto sa mga simbahan ug pagpatigayon og mga haya sa mga kabanay nga namatay sa COVID-19 sa limitadong panagtigom.
Samtang otorisado na sa IATF ilalom sa Alert level 2 ang nagkadaiyang ahensya sa gobyerno nga makapatigayon og Licensure examination. Gihatagan og gahom sa IATF ang mga lokal nga panggamhanan nga magpahamtang og rutang mamahimong agian sa byahe sa mga pampasaheroang sakyanan sa intrazonal ug interzonal nga ruta lamang.
