BUTUAN CITY – Love is the air na ang kadalanan sa dakbayan sa Butuan tungod sa kadaghan sa mga kolor pula ug pink nga mga buwak ug mga dekorasyon nga gipang-display sa mga flower shops alang ning adlaw sa kasing-kasing kon Valentine’s Day.
Kagahapon pa lang, gidagsa na sa mga tawo, ma-lalaki man o babaye, ang maong mga tindahan aron makapalit og mga buwak, teddy bear ug chocolates nga ilang ihatag ngadto sa ilang mga hinigugma o kapikas sa kinabuhi.
Sigon sa usa ka flower vendor, grabeng pagsaka usab ang presyo sa mga buwak tungod kay ang usa ka bouquet sa unom ka mga rosas, tag-500 pisos man samtang ang bouquet usab sa tulo ka sunflowers, tag-usa ka libo ka pesos usab ug ang usa lang ka buok niini, tag-500 pisos.
Apil sa ilang gipamaligya ang mga buwak nga duna na’y bag, teddy bear ug chocolates nga ma-afford ra bisan sa mga estudyante. Pinakamahal usab nila ang i-arrange nga mga buwak nga mu-abot sa 5-mil pisos ang presyo apan duna usa’y tag-50 hangtud 75-pisos nga pang-estudyante nga presyo.
Tumang kalipay usab ang gibati ni Duke Jacinto Jugao, taga-Brgy Doongan ning siyudad sa Butuan samtang nagpalit og usa ka buok nga rosas alang sa iyang hinigugmang si Cindy.
Iyang gipasabot nga tungod kay minos pa ang panapi, usa ka bulak kang sa iyang gipalit ug wala na’y apil ang chocolate. Ang importante nga mahatagan matud pa niya og buwak ang iyang hinigugma aron mapakita ang iyang tinuod nga gugma.
Wala usab kini nagpanuko pagtangtang sa iyang helmet aron lang maklaro ang iyang nawong sa tanan ug isip pamatuod nga wala niya gika-ulaw ang iyang gihimo.
