BUTUAN CITY – Giangkon ni outgoing Philippine National Police (PNP) Chief Gen. Rommel Francisco Marbil nga atubangon niini ang 30 ka kaso ugaling makanaog na kini sa pwesto isip PNP Chief.
Matod niya nga dili lang sila mag-atubang og harasment kondili mag-atubang usab sila og kaso isip kabahin sa ilang trabaho. Abril 2024 dihang nagsugod si Marbil sa pagpangulo sa PNP.
Gikatakda siyang mokanaog sa katungdanan dihang moabot na sa mandatory retirement age nga 56 anyos niadtong Pebrero apan gilugwayan ni Presidente Ferdinand Marcos Jr. upat ka buwan ang iyang termino taliwala sa pagpangandam sa 2025 elections.
Iyang itugyan ang posisyon ngadto kang Criminal Investigation and Detection Group Chief Major General Nicolas Torre III, kinsa napili isip bag-ong hepe sa PNP niadtong Hunyo 2.
