BUTUAN CITY – Gikumpirma sa Temple Israel nga luwas ang tanang magtutungha og personahe human sa pagpamusil sa sinagoga.
Sumala sa pamahayag nga 140 ka magtutungha sa Susan and Harold Loss Early Childhood Center, lakip na ang mga staff, magtutudlo og lakip na ang security personnel luwas na matud pa sa maong pag-atake.
Nasayrang napatay ang suspetsado human niini gibangga ang iyang sakyanan ngadto sa sinagoga sa West Bloomfield, Michigan, nga gika-angol sa usa ka security guard.
Mipadayon pa ang sakyanan sa pagbangga sa pultahan ngadto sa hallway adiser gipaulanan og bala sa mga security guard.
Wala na usab gidetalye kung na-unsa sa pagkapatay ang suspek.
Nahisgutan usab ang maong panghitabo ni US President Donald Trump samtang kini dunay laing giatubang nga aktibidad sa White House.
Nagpaabot kini og gugma ngadto sa Michigan Jewish community og tanang katawhan sa Detroit diin napahibalo matud pa siya sa maong panghitabo.
Gipaneguro sa presidente nga palawman pa nila ang pag-imbestiga sa maong panghitabo.
