BUTUAN CITY – Gitangtang na ni Agusan del Sur Governor Santiago ‘Santi’ Cane ang suspenyon sa klase sa tanang ang-ang lakip na ang trabaho sa pribado og pampublikong opisina sa probinsya nga gipatuman kagahapon tungod sa mga pagbahang hatud sa pila ka adlaw nga pag-ulan tungod sa Low Pressure Area kon LPA.
Kini base na usab sa Executive Order No. 11 series of 2022 nga nagtangtang na sa EO No. 10 kansa nanawagan sa tanang mga miyembro sa Provincial Disaster Risk Reduction management Council kon PDRRMC-Agusan Del Sur, Search and Rescue Agusan del Sur kon SARAS, municipal og barangay officials, government employees og uban pang hingtungdang indibidwal sa padayong pag-monitor sa lakat sa panahon sa ilang tagsa-tagsa ka mga lugar.
Gimanduan usab sila nga himuon ang tukmang lakang aron maprotektahan ang mga kabtangan ug kinabuhi sa ilang mga konstituwente.
