BUTUAN CITY – Bisan og sakit, dawaton ni Kapitan Basubas ang suspension order nga gipakanaog batuk kaniya apan depensahan usab niya ang iyang kaugalingon pinaagi sa paghimo og legal action.
Sa eksklusibong pakighinabi sa Bombo Radyo Butuan, gipadayag ni Kapitan Basubas nga nagtuo siyang gibasura na ang maong reklamong gidungog sa Sangguniang Panlungsod niadtong Mayo ning tuiga tungod sa mga ebidensyang iyang gipresentar atol sa hearing.
Gipasabot sa kapitan nga na-isyuhan sa iyang cashier ug acknowledgement kon temporary receipt ang mga manguha og certificate sa ilang barangay hall tungod kay gidala niadtong tungura sa ilang garbage collector ang official receipt kon OR.
Apan ang mga na-isyuhan matud pa og temporary receipt, na-isyuhan gihapon nila og OR base na usab sa kasayuran sa Commission on Audit basta mahatag lang sa mga hingtungdan ang OR.
Ang isyung angayan unta matud pang tutukan kung nawala ang kwartang gibayran sa mga negosyante kansa sigon sa kapitan, anaa ra sa panudlanan sa barangay ug ilang gideposito sa Veteran’s Bank.
