BUTUAN CITY – Gitambagan sa iyang abogado nga si Atty. Stephen David si suspended Bamban, Tarlac Mayor Alice Guo nga subling mudagan sa 2025 midterm election tungod kay ang katawhan matud pa sa Bamban ang magdesisyon sa mga akusasyon batuk sa ilang kliyente.
Si Guo gi-akusahang nalambigit sa mga ilegal nga operasyon sa Philippine Offshore Gaming Operators sa Bamban.
Mas mi-init ang isyu sa iyang pagka-Pilipino human gikumpirma sa National Bureau of Investigation nga miha-um ang fingerprint ni Guo sa usa ka Chinese passport holder nga ginganganlan og Guo Hua Ping.
Samtang gbutyag usab ni Commission on Elections kon COMELEC Chairman George Erwin Garcia, nga mahimol pang mudagan si Guo pagka-mayor tungod kay wala pa’y pinal nga desisyon ang korte sa iyang gi-atubang nga mga kaso.
Nagbahad usab kining andam silang magduso og kaso batuk kang Guo higayong mapamatud-ang namakak kini.
