BUTUAN CITY – Napasakaan na og kasong murder pinaagi sa inquest proceedings ang responsable sa pagpanunggab og pagpanigbas-patay sa Brgy. Lemon ning siyudad sa Butuan.
Sigon ni PCapt. Henry Samillano – station commander sa Butuan City Police Station 4, napulo ka mga samad-dinunggaban og tinigbasan sa nagkada-iyang parte sa lawas ang mikutlo sa kinabuhi ni Junilo Yagong kansa binuhatan ni Arnel de la Cruz, parehong residente sa Purok 3 sa maong barangay.
Sa eksklusibong interview sa Bombo Radyo Butuan, gipadayag sa opisyal nga duna’y daang bangi ang duha og dihang nag-abot nga parehong naka-inom, nagkalalis sila rason nga gidunggab gilayon sa biktimang si Yagong si de la Cruz.
Bisan og na-igo apan na-ilog pa gihapon ni de la Cruz ang sundang sa biktima dayong hunat ngadto sa biktima resulta sa iyang pagkamatay.
Nagtingkagol na sa Butuan City Police Station 4 ang suspek samtang naghulat sa pormal na pagtaral sa iyang kaso.
