Suspek sa pagpamusil sa tunghaan sa Wisconsin, usa ka 15-anyos nga dalagita

BUTUAN CITY – Gipagawas na sa mga otoridad ang pagkatawo sa suspek sa pagpamusil sa Abundant Life Christian School sa Madison, Wisconsin.

Sigon ni Madison Police Chief Shon Barnes, nga naila ang suspek nga si Natalie Rupnow, 15-anyos. Gipatawag na usab sa mga otoridad ang ginikanan sa suspek aron masayran kung kinsa ang tag-iya sa nasangpit nga armas.

Anaa pa sa ospital ang unom ka indibidwal nga nasamdan sa insidente diin duha kanila ang anaa sa kritikal ang kondisyon.

Mahinumdumang human ang pagpamusil nga gikamatay sa duha ka biktima nagpakamatay usab ang 15-anyos nga suspek diin narekober sa kilid niya ang armas nga gigamit.

Lakip sa namatay sa insidente ang usa ka magtutudlo samtang ang usa usab estudyante.