BUTUAN CITY – Gikumpirma ni PCaptain Dennis Bon, station commander sa Butuan City Police Station kon BCPS-4 nga nagpositibo sa paggamit sa ginadiling druga ang gwardiya nga milugos-patay sa 7-anyos nga batang iya rang silingan.
Kini human migawas ang resulta sa drug test kansa nagkumpirma sa una nang gipadayag sa suspetsado nga nakagamit siya og ilegal nga druga adiser nahimo ang ngilgig nga kremin.
Madumdumang gipadayag sa amahan sa biktima nga hustisya alang sa iyang anak ang iyang gusto bisan og gusto niyang ipanimalos ang nadangatan sa bata gikan sa mga kamot sa suspetsadong si Dondon Acedo, 29-anyos.
Naglikay na siyang makita ang silingan tungod kay dili matud pa siya makapasalig nga dili niya kini mahinaykan rason nga ang gi-atiman na lang una niya karon, mao ang pagplastar sa haya sa iyang anak ilabina ang bayrunon sa lungon niini.
