BUTUAN CITY – Gimugna sa Commission on Elections (Comelec) ang task force nga mag-regulate sa mga survey firms atol sa election period alang sa 2025 midterm polls. Una nang gipahibalo sa poll body ning nakalabayng semana nga ang tananng mga survey company kay kinahanglan nga nga marehistro sa poll body, kini subay na sa giaprubahang Resolution No. 11117 atul sa regular en banc session niadtong Pebrero 19.
Subay niini, gipagawas na usab sa Komisyon ang memorandum nga pinermahan ni Comelec Chairman George Garcia kansa nagtukod sa Task Force Regulation and Enforcement of Survey Practices for Election Credibility and Transparency kon Task Force RESPECT. Sumala pa nga gitahasan ang maong task force sa pagpasayon sa mekanismo sa pagbutyag sa mga survey firms ngadto sa Comelec ug pagpatik sa ilang mga findings sa Comelec website.
Gitahasan usab kini sa pag-orient sa mga survey firms, indibidwal nga pollsters, ug publiko kabahin sa Comelec Resolution No. 11117 ug Republic Act No. 9006 kon ang Fair Election Act. Dugang niini, dumalaaon usab sa grupo ang pag-imbestiga sa mga reklamo nga may kalabotan sa dili husto o dili angay nga pagmantala sa mga survey nga may kalabotan sa eleksyon.
