BUTUAN CITY – Gikonbikto sa Sandiganbayan si Surigao del Sur Representative Prospero Pichay Jr. og duha niya ka mga ka-ubanan sa Local Water Utilities Administration (LWUA) sa kasong graft tungod sa illegal grant sa LWUA nga P1.5 million ngadto sa National Chess Federation of the Philippines kon NCFD.
Sa 31-ka palid nga ruling nga gipagawas kagahapon, gihukman sa anti-graft court si Pichay ug duha ka mga ka-ubanan og unom ngadto sa walo ka tuig nga pagkabilanggo ug tibuok kinabuhing pag-disqualify nga makakupot og posisyon sa gobyerno.
Si Pichay mao ang acting chairman sa LWUA Board of Trustees (BOT) niadtong December 2010 kondiin sa maong panahon, nagsilbi usab kining presidente sa NCFP.
Sigon sa Sandiganbayan, ang claim ni Pichay nga wala siya masayod sa budget alang sa sponsorship sa mga chess events sa panahong gi-deliberate sa LWUA-BOT ang 2010 Operating Budget, gihatagan og gamay nga konsiderasyon apan misukwahi kini sa iyang pamahayag nga wala siya’y nakitang problema sa gika-ingong budget line item dihang iyang gi-review ang gisugyot nga corporate operating budget.
Sigon sa anti-graft court samtang siya ang milingkod nga LWUA-BOT Acting Chairman, logical na nga lauman nga gitun-an niini og maayo ang budget ug gikuti-kuti na og maayo ang line item niini alang sa posibleng unwarranted kon illegal insertions adiser ang deliberasyon.
