BUTUAN CITY – Kumpyansa si Surigao del Sur Rep. Johnny Pimentel nga kaya sa time frame nga ma-aprubahan sa kongreso ang 2021 proposed national budget.
Kini subay na sa kabalaka nga ma-delay ang approval sa maong sugyot nga budget human napasayo ang break sa Kamara sa ilang plenary session human usab na-aprubahan sa ikaduhang pagbasa ang P4.5-trillion proposed 2021 national budget.
Sa pakighinabi sa Bombo Radyo Butuan , gipadayag ni deputy speaker Pimentel, aduna na lama’y 14 ka government agencies ang wala pa nasalang sa plenary deliberation apan kaya matud pa kini sa target nga panahon aron kini aprubahan ilabina nga ministerial lamang ang mahitabo pag-abot sa third ug final reading.
Madumdumang kagabii direktang nagbahad si Pangulong Rodrigo Duterte sa mga miyembro sa Kongreso nga ayuhon ang ilang problema sa pagpapasar sa 2021 proposed national budget kundi siya na ang moresolba niini.
Adiser sa maong bahad sa pangulo nangayo na usab og dispensa si Speaker Alan Peter Cayetano ngadto sa mga senador human namahayag nga ang Senado ang maoy dapat basulon kung adunay mahitabong delay sa approval sa 2021 proposed budget nga kansa mamahimong magresulta sa reenacted budget apan gibakwi ra usab niini human ang bahad ni Pangulong Duterte.
