BUTUAN CITY – Opisyal nang milingkod si Police Colonel James Templora Goforth sa puwesto isip Officer-in-Charge Provincial Director sa Surigao del Sur Police Provincial Office (SDSPPO) nga epektibo kagahapon base sa General Orders Number PRO13-GO-DES-2019-1376.
Si PCOL Goforth ang nangulo sa Regional Investigation and Detective Management Division (RIDMD) sukad niadtong Marso 7, 2018 hangtud sa Oktobre 22, 2019.
Atol sa pagdumala ni PCOL Goforth sa RIDMD, girekognisa ang Police Regional Office kon PRO-13 isip numbero Uno sa Crime Solution Efficiency atol sa 4th quarter sa 2018, 1st quarter sa 2019 ug 1st semester sa 2019.
Hulipan si PCOL Goforth ni Police Lieutenant Colonel Jonathan G Trojello.
Samtang ang outgoing Provincial Director sa SDSPPO nga si Police Colonel Francisco Damayo Dungo, Jr, nagserbisyu sa probinsiya sukad niadtong Nobyembre 17, 2017.
Madestino kini sa Police Regional Office 1 ug muhulip sa puwesto isip Chief of the Regional Staff.
Gipangunahan ang turn-over of Command Ceremony tali sa outgoing ug incoming Provincial Director ni Regional Director, Police Brigadier General Joselito T Esquivel, Jr.
Atol sa iyang mensahe,gihimangnoan ni PBGEN Esquivel, Jr ang tanang PNP personnel nga kinahanglang magtinabangay aron ma-abot ang panginahanglanon sa katawhan.
