BUTUAN CITY – Pabiling luwas sa bird flu virus ang kinatibuk-ang lalawigan sa Surigao del Sur base na sa pagkumpirma ni Romy Ronquillo, ang Quarantine Office chief sa maong lalawigan.
Giklaro kini sa opisyal subay sa pagkaylap sa alarming nga isyung panglawas karon sa Luzon, dungan sa pagbutyag nga ilang gidoble ang ilang paningkamot aron masegurong dili kini makasulod sa ilang probinsya.
Padayon usab ang hugot nilang monitoring sa tanang mga entry points uban sa pakig-alayon sa Philippine National Police og sa Department of Health.
Ang Quarantine Office sa maong lalawigan padayong nag-monitor sa tanang mga entry points sa mga poultry products nga musulod og mugawas sa ilang lalawigan human nga ang temporaryong ban sa movement sa tanang mga poultry products gi-revoke na sa Department of Agriculture.
Gipasabot ni Ronquillo nga ma-naa man o wala’y Bird Flu outbreak, magpabiling aktibo ang ilang buhatan diha sa monitoring. (Beth Ruiz)
