BUTUAN CITY – Gitakdang modawat ug pasidungog ang kagamhanang probinsiyal sa Surigao del Sur, apil na ang mga lokal nga kagamhanan sa Tandag City sa mga lungsod sa Carmen, Cagwait, Tagbina, ug Hinatuan.
Kini human sila girekomendang kwalipikado alang sa national calibration sa 2022 Seal of Good Local Governance kon SGLG sa Department of Interior and Local Government kon DILG.
Ang SGLG maoy pinakataas nga pag-ila ug gikonsiderang most prestigious award nga mahatag sa DILG ngadto na sa mga naglihok nga LGUs.
Madumdumang niadtong mga tuig 2016 hangtud sa 2019, nahimo nang SGLG Hall of Fame awardee si Surigao del Sur Governor Alexander Pimentel dihang siya pa ang mayor sa Tandag City.
Sa pagkakaron, bugtong ang probinsiya lamang sa Surigao Del Sur sa entiro Caraga nga girekomendang kwalipikado sa SGLG calibration karong tuiga.
